Ուկրաինայում պայթյուններ են որոտացել․ օդային տագնապ է հայտարարվել

Այս գիշեր պայթյուններ են լսվել Խմելնիցկի շրջանում. ռուսական բանակը գրոհել է Ուկրաինայի զինված ուժերի ռազմական օբյեկտների վրա. հայտնում են ուկրաինական լրատվամիջոցները։

Գիշերը պայթյուններ են որոտացել Ուկրաինայում, մասնավորապես՝ Խմելնիցկիի և Դնեպրոպետրովսկի շրջաններում։ Սակայն ամենից բարձր հնչել է Խմելնիցկիում։ Այնտեղ, ենթադրաբար, խոցվել են Ուկրաինայի Զինված ուժերի ռազմական օբյեկտները՝ զենքի և զինտեխնիկայի կուտակման վայրերը։ Երկրի ողջ տարածքում օդային տագնապ է հայտարարվել։

Ռուսաստանի Դաշնության պաշտպանության նախարարության նախօրեին արված հայտարարության մեջ նշվում է, որ հարված է հասցվել Ուկրաինայի Զինված ուժերի զենքի և տեխնիկայի պահեստին։ Այնուհետև պայթյուններ են որոտացել Կրիվոյ Ռոգում և Օդեսայում։