Հյուսիսային Կորեան քննադատել է ԱՄՆ-ին և սպառնացել կոշտ պատասխանով

ԱՄՆ պետքարտուղար Էնթոնի Բլինքենը զանգահարել է Հարավային Կորեայի արտգործնախարար Պակ Ջինին և քննարկել Չինաստան իր կատարած այցի արդյունքները, տեղեկացրել է Հարավային Կորեայի արտգործնախարարությունը։

Ինչպես հաղորդում է Reuters-ը, Բլինքենը հայտարարել է, որ ինքը անկեղծ և կառուցողական երկխոսություն է ունեցել չինական կողմի հետ։

Բլինքենը և Հարավային Կորեայի արտգործնախարարը կոչ են արել Պեկինին կառուցողական դեր խաղալ Հյուսիսային Կորեայի սադրանքների դադարեցման և ապանուկլեարիզացման գործում։

Հյուսիսային Կորեան, իր հերթին, քննադատել է Բլինքենին Չինաստանի կողմից Փխենյանի վրա ճնշում գործադրելու փորձի համար և զգուշացրել է կոշտ պատասխանի մասին։