ԻՊ գրոհայինները ամուսնական անհավատարմության համար քարերով սպանել են չորս տղամարդու
ՄԻՋԱԶԳԱՅԻՆ
Իրաքի քաղաքներից մեկում ԻՊ ահաբեկչական խմբավորման զինյալները ցուցադրական մահապատիժ են կազմակերպել՝ ամուսնական անհավատարմության համար քարերով սպանելով չորս ամուսնացած տղամարդու, հայտնում է The Sun–ը:
Մահապատժի ցնցող կադրերը ահաբեկիչները հրապարակել են համացանցում: Ըստ լուսանկարների՝ դաժան հաշվեհարդարի ականատեսներն են դարձել ոչ միայն տղամարդիկ ու կանայք, այլեւ երեխաները: Պարբերականը նշում է, որ ԻՊ դահիճները հատուկ համեմատաբար փոքր քարեր են օգտագործել՝ իրենց զոհերի տառապանքները երկարացնելու համար:
Նշենք, որ սա առաջին դեպքը չէ, երբ ահաբեկիչները հրապարակային մահապատիժ են իրականացնոմ Սիրիայի ու Իրաքի գրավյալ քաղաքներում: Ընդ որում նրանք ոչ միայն խաղաղ բնակիչների հետ են հաշվեհարդար տեսնում, այլեւ իրենց նախկին համախոհների, որոնք խախտում են շարիաթի օրենքները կամ դասալիք են:
