ԼՂ–ում արյունահեղությունը դադարեցնելու գործում Ռուսաստանի դերը չի կարող կասկածի տակ դրվել․ ՌԴ ԱԳՆ

Լեռնային Ղարաբաղում արյունահեղությունը դադարեցնելու գործում Ռուսաստանի դերը չի կարող կասկածի տակ դրվել, ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռուսաստանի դերը ամրագրված է համապատասխան փաստաթղթում՝ գրավոր, որը կրում է և՛ Հայաստանի, և՛ Ադրբեջանի ստորագրությունները։ Այդ դերը որևէ կերպ չի կարող կասկածի տակ դրվել, քանի որ այն հաստատվել է հակամարտող կողմերի կողմից։ Եվ այս հարցում ձեռք է բերվել համապատասխան կոնսենսուս»,- նշել է Զախարովան։

«Հենց Ռուսաստանն ու ՌԴ նախագահը դադարեցրեցին արյունահեղությունը, իսկ Ղարաբաղ բերված ռուս խաղաղապահներն ապահովում են հրադադարը»,- ասել է Զախարովան։