«Քիմիկների զորամասի» գործով դատարան չներկայացած տուժողները բերման կենթարկվեն

Հակակոռուպցիոն դատարանում՝ նախագահությամբ դատավոր Սուրեն Խաչատրյանի, այսօր՝ հունիսի 30-ին, ընթացել է «Քիմիկների զորամասի» գործով դատավարությունը:

Դատական նիստին չէին ներկայացել պատշաճ կարգով ծանուցված գործով տուժողները: Մեղադրող դատախազը միջնորդեց այդ տուժողներին բերման ենթարկել, ինչը դատարանը բավարարեց:

Նշենք, որ ըստ մեղադրանքի՝ գեներալ Մակարյանը, որը Կովսականի մարտական հատուկ առաջադրանքի պատասխանատուն էր, տեղեկանալով, որ Արսեն Աբգարյանի խումբը շրջափակման մեջ է հայտնվել, օգնության չի շտապել, նահանջի հրաման է տվել, իսկ ինքը վերադարձել է Կապան։ Այս ամենի հետեւանքով Աբգարյանի «Քիմիկների զորամասի» 40 զինծառայողներից 5-ը գերեվարվել են, 12-ը՝ սպանվել, իսկ մնացած 23 զինծառայողներն ու ավտոբուսի վարորդը անհայտ կորած են։

Գեներալ Անդրանիկ Մակարյանին առաջադրված է անգործություն ցուցաբերելու մեղադրանք եւ նրան սպառնում է ազատազրկում՝ 7-13 տարի ժամկետով

Նշենք, որ ծնողները ԴՆԹ գենետիկ փորձաքննության պատասխաններ ունեն Առողջապահության նախարարությունից, որոնք նույնականացվել են Կովսականից դուրս բերված մասունքների հետ, սակայն արդյունքներին շատ ծնողներ չեն հավատում։