PERFEKT TV Հանրայինը

Իշխանության վարքագիծնն օրըստօրե ավելի անտանելի է դառնում, ինչը վկայում է որոշ առումներով խուճապային տրամադրությունների և փակուղում գտնվելու փաստի մասին։ Նիկոլ Փաշինյանի կողմից հակահայկական ու հակաարցախյան գործընթացների հետ կապված նոր փուլ է նշմարվում, և այս ֆոնին փորձում է հանրային դիսկուրսում արհեստական լարում ապահովել, այդ պատճառով ֆուլ մտել է թեմայի մեջ։

Վերջին շրջանում ակնհայտ նկատելի է դառնում, որ տեղեկատվական հարաթկներում ակտիվանում են իշխանությանը սպասարկող ֆեյքերի բանակն, որոնք տարբեր միջավայրերում ու սոցխմբերում թեզեր են տիրաժավորում՝ փորձելով հրապարակ բերել «նախկինների» մեղավորության թեման։

Այս հարցում, ինչպես հայտնի է առանցքային դերակատարություն ունի պետական հեռուստատեսությունները՝ տվյալ դեպքում խոսքը Հանրային հեռուստաընկերության մասին է, որը վերջին մի քանի ամիսներին անթաքույց «Նիկոլ է փիառում»։ Հանրայինի ռեպորտաժներին ու թողարկումներին հետևելիս՝ այնպիսի տպավորություն ունես, թե ապրում ես Հարավային Կորեայում կամ ասենք Նորվեգիայում, և կյանքն ուրախ է, ապահով ու երջանիկ, այն ինչ իրականում պատկերն ամբողջությամբ հակառակն է։ Միշտ էլ հանրայինը ծառայել է իշխանություններին, բայց նման սյուռ պատկերի երբևիցե ականատես չենք եղել, երբ պետական էկրանից բացահայտ կեղծիք ու մանիպուլյացիա է տիրաժավորում։

Նախ, ոչ մեկի համար թերևս գաղտնիք չէ, որ Հանրայինի լսարանը ՀՀ տարածքում աննախադեպ է և չունի մրցակցություն, հենց այս լրատվականն է մարզային սեկտորում հիմնական օրակարգ տիրաժավորողը։ Շարքային քաղաքացին «ֆեյսբուքներով» և էլեկտրոնային հարթակների տրամադրած տեղեկատվությանն այդքան չի վստահում, և, դեռևս սովետական ժամանակներից եկող «տելեվիզրով եմ լսել» արտահայտությունը շարունակում է հեգեմոն լինել տեղեկատվության տարածման հարցում։ Ահա հենց այս գործիքակազմն է, որ Փաշինյանի պրոպագանդայի բլոկին կցել է Հանրայինը «խուրդելու» գործընթացին՝ այն դարձնելով շարքային «Պերֆեկտ թվ»։

Ասվածն ավելի պատկերավոր է դառնում, եթե անդրադառնանք, օրերս Արծրուն Հովահաննիսյանի, Թաթուլ Հակոբյանի և Պետրոս Ղազարյան եռյակի «բանավեճ-դիսկուրսն», երբ գեղեցիկ փաթեթավորմամբ մաշեցնում էին «նախկինների» իշխանության տարիներին ունեցած ռազմական հաջողությունների թեման՝ այն իջեցնելով շրիշակի մակարդակի։ Արծրունի բարոյկանության մասին, թերևս անիմաստ է խոսել, սակայն ստամտության գագաթնակետն էր, զենքի գնումների մասին նրա ցնդաբանություններն, երբ այդ ամենը փորձում էր ներկայացնել որպես միֆ՝ մոռանալով, թե ինչպես էր ժամանակին սինլքորություն  անում օրվա իշխանությունների՝ կերակրատաշտից հնարավորինս շատ օգտվելու նպատակով։

Դրանից մի քանի օր առաջ մի անհասկանալի մոնտաժված տեսանյութ տարածվեց, որը նույն Հովհաննիսյանի թեզերն էին՝ ուղղակի վիդեոտարբերակով, որտեղ մարդկանց ուղեղը հերթական դեզինֆորմացիայի չափաբաժինն էին ներկայացնում՝ փորձելով նախկինում ունեցած ձեռքբերումներն ու հաղթանակները պատել ցեխաջրով։

Աներկբա է, որ փակուղում գտնվող և գեոպոլիտիկ ծովում խեղդվող Փաշինյանը գործի է դրել ստի ու կեղծիքի՝ իր սիրած բաղադրիչը, որով նպատակ ունի հանրությանը նորից մոլորեցնել ու այդ թմբիրի մեջ սեփական իշխանության կյանքը որոշակի ժակմետով երկարացնել։

Արմեն Հովասափյան