Չինաստանում հորդառատ անձրեւների պատճառով զոհվել է 15 մարդ

15 մարդ զոհվել է, չորս հոգի համարվում է անհետ կորած Չինաստանի հարավարեւմտյան Չունցին քաղաքում տեղատարափ անձրեւների հետեւանքով, տեղեկացրել է Չինաստանի Կենտրոնական հեռուստատեսությունը՝ հղում կատարելով տեղի իշխանություններին։

Հեռուստատեսության տեղեկացմամբ՝ հուլիսի 3-4-ին Վանչժոու օկրուգը տուժել է տեղատարափ անձրեւներից։

Հուլիսի 5-ի առավոտյան ժամը 10-ի դրությամբ տեղատարափ անձրեւներից օկրուգում տուժել են 36 բնակավայր, 37 226 մարդ, որոնցից 11,5 հազար մարդ տարհանման կարիք ունի, 779-ը արդեն տարհանվել է, 15 մարդ զոհվել է, չորս հոգի համարվում է անհետ կորած, տեղեկացրել է հեռուստատեսությունը։