Մակրոնը հայտարարել է երկրում ճգնաժամի ժամանակ սոցցանցերի անջատման հնարավորության մասին

Ֆրանսիայի նախագահ Էմանուել Մակրոնը հնարավոր է համարել սոցցանցերի անջատումը, եթե երկրում ճգնաժամը խորանա։ Այս մասին նա հայտարարել է զանգվածային անկարգություններից տուժած քաղաքների ղեկավարների հետ զրույցում, տեղեկացրել է BFMTV հեռուստաալիքը։

Մակրոնը նշել է, որ պետք է մտածել երիտասարդության շրջանում սոցիալական ցանցերի օգտագործման, ինչպես նաեւ դրանց հնարավոր արգելքի վերաբերյալ։ Նախագահն ընդգծել է, որ իրավիճակի վատթարացման դեպքում անհրաժեշտ է ունենալ սոցիալական ցանցերին արձագանքելու եւ անգամ անջատելու հնարավորություն։ Մակրոնը նաեւ հատուկ ուշադրություն է հրավիրել այն հանգամանքին, որ հարցի քննարկումը պարզապես չի ընթանում «թեժ իրավիճակով պայմանավորված»։