Հնդկաստանում սողանքի պատճառով քարերը ժայռից ընկել են մեքենաների վրա. զոհեր կան (տեսանյութ)

Երեքշաբթի սողանքի ժամանակ հսկայական քարեր են գլորվել և ջարդուփշուր արել երեք մեքենա Կոհիմա-Դիմապուր ազգային մայրուղու վրա. գրում է India Today-ը։ Միջադեպը տեղի է ունեցել ոստիկանական անցակետի մոտ։ Միջադեպի հետևանքով զոհվել է առնվազն երկու մարդ, ևս երեքը վիրավորվել են։

Տեսանյութում երևում է, թե ինչպես է հսկա քարը մեկը մյուսի հետևից հարվածում երկու մեքենաներին: Երկու մեքենաներն էլ լուրջ վնասվել։ 

Մեքենաները գալիս էին Կոհիմայից։ Վթարը ֆիքսել է նրանց ետևում գտնվող մեքենայի տեսախցիկը։ Վիրավորները բուժում են ստանում Դիմապուրի Ռեֆերալ հիվանդանոցում։