Բաքվում պայմանավորվել են «ֆրանսիական գաղութատիրության դեմ նախաձեռնող խմբի» ստեղծման մասին

Հուլիսի 6-ին Բաքվում միջազգային հարաբերությունների վերլուծության կենտրոնի նախաձեռնությամբ տեղի է ունեցել կլոր սեղան Չմիավորման շարժման համակարգող բյուրոյի նախարարական նիստի շրջանակներում, որին անդամակցում է Ադրբեջանը, գրում է ԱՊԱ-ն։

«Քննարկումների ընթացքում նրանք հաստատել են Չմիավորման շարժման սկզբունքային դիրքորոշումը գաղութատիրության եւ նեոգաղութատիրության պրակտիկայի դեմ պայքարում։ Բանախոսները ներկայացրել են Ֆրանսիայի արտերկրյա գաղութներում տիրող իրավիճակի ակնարկը, պայմանավորվել են համերաշխության իրենց ցանցերը կառուցել արդարության եւ ազատության համար պայքարում: Մասնակիցները շնորհակալություն են հայտնել ադրբեջանական կողմին նման միջոցառում անցկացնելու համար ՝ քննարկելու այն խնդիրները, որոնց բախվում են գաղութատիրական լծի տակ գտնվող ժողովուրդները: Մասնակիցները պայմանավորվել են ֆրանսիական գաղութատիրության դեմ Բաքվի նախաձեռնող խմբի ստեղծման մասին։ Վերջում ընդունվել է ամփոփիչ հռչակագիրը»,-հայտնում են ԶԼՄ-ները։