Հետազոտողները նշել են Երկրի վրա ամենաորկրամոլ գիշատչին

Կանադայի Վիկտորիայի համալսարանի կենսաբանները պարզել են Երկրի պատմության մեջ ամենաորկրամոլ գիշատչին. պարզվել է, որ նա մարդն է: Գիտնականների հաշվարկների համաձայն՝ մարդը շահագործում է Երկրի վրա ողնաշարավոր կենդանիների ավելի քան մեկ երրորդը. 15 հազար տեսակ մարդկանց կողմից օգտագործվում է որպես սնունդ, կենդանիների կեր, ինչպես նաեւ փորձերի ժամանակ, օրինակ՝ դեղամիջոցների ստեղծման ժամանակ: Հետազոտության արդյունքները հրապարակվել են Communications Biology ամսագրում։

«Խնդիրն այն է, որ կենդանիների սպանությունների մեծ մասը պայմանավորված է ոչ թե անհրաժեշտությամբ, այլ մշակույթով»,-նշել են գիտնականները։

Կենսաբանները նշել են, որ մարդու նման պահվածքը ոչ միայն հանգեցնում է կենդանիների որոշ տեսակների ոչնչացման, այլեւ բացասաբար է անդրադառնում ողջ մնացածների վրա՝ նրանց մոտ սթրես առաջացնելով: Գիտնականները դա անվանում են վախի Էկոլոգիա:  

«Մարդկանց կողմից վայրի բնությունից կենդանիների անբնական ընտրությունը կարող է հանգեցնել էկոհամակարգերի մի շարք հետեւանքների»,-բացատրել են գիտնականները։