Երկրաշարժ է տեղի ունեցել Կարիբյան ծովի հյուսիսում

6,6 մագնիտուդով երկրաշարժ է տեղի ունեցել Ատլանտյան օվկիանոսում՝ Կարիբյան ծովի հյուսիսում, ինչի հետևանքով որոշ շենքեր թեթևակի ճոճվել են տարածաշրջանում․ հայտնում է ամերիկյան FoxNews գործակալությունը։

ԱՄՆ Երկրաբանական ծառայության տվյալներով՝ երկրաշարժը տեղի է ունեցել վեց մղոն խորության վրա: Երկրաշարժի էպիկենտրոնը գտնվել է Անտիգուա և Բարբուդա քաղաքից մոտ 170 մղոն հյուսիս-արևելք:

Երկրաշարժը զգացվել է մի քանի կղզիներում, այդ թվում՝ Պուերտո Ռիկոյում։