Կրեմլում անդրադարձել են Պուտինի և Էրդողանի հնարավոր հանդիպմանը

Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպման ժամկետները դեռևս որոշված ​​չեն, հայտնել է ՌԴ նախագահի մամուլի քարտուղար Դմիտրի Պեսկովը։

Մի քանի օր առաջ Էրդողանը հայտարարել էր, թե ակնկալում է, որ Պուտինը օգոստոսին կայցելի Թուրքիա: Նա հավելել էր, որ Պուտինից չի սպասում Թուրքիայի միջնորդական ջանքերի վերաբերյալ դիրքորոշման փոփոխություն։

Մինչ այս, ՌԻԱ Նովոստին հայտնել էր, որ Թուրքիայի և Ռուսաստանի նախագահների սպասվող բանակցությունները մնում են հացահատիկային գործարքի երկարաձգման համար միակ հույսը։