«Ջրվեժ» արգելոցապարկային համալիրում հրդեհ է բռնկվել

Հուլիսի 13-ին, ժամը 11։21-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել «Ջրվեժ» արգելոցապարկային համալիր ՊՈԱԿ-ի տարածքում։

ՀՀ ՆԳՆ փրկարար ծառայությունի NEWS.am-ին հայտնում են, որ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Փրկարար ուժերի վարչության Հրդեհաշիջման և փրկարարական աշխատանքների կազմակերպման բաժնի խմբերը։

Հրդեհը մեկուսացվել է ժամը 11։55-ին, մարվել՝ 12։04-ին։