Փրկարարները հայտնաբերել են 3 լորտու տեսակի սողուն, 3 սահնօձ, 4 շահմար, 1 գյուրզա, 2 անհայտ տեսակի օձ
ՀԱՍԱՐԱԿՈՒԹՅՈՒՆ
Հուլիսի 9-15-ը ՆԳՆ ՓԾ ճգնաժամային կառավարման ազգային կենտրոնում 28 ահազանգ է ստացվել հանրապետության տարբեր տարածքներում նկատված օձերի վերաբերյալ: Հայտնում են ՀՀ ՆԳՆ փրկարար ծառայությունից:
Մասնավորապես՝ Երևանում, Արմավիր, Բերդ քաղաքներում, Արզնի, Լուսակերտ, Քարաշամբ, Ջրվեժ, Արգավանդ, Բյուրական, Կոշ և Մրգաշեն գյուղերում։
Դեպքի վայր ժամանած փրկարարներն իրականացրել են տեղազննում, որի արդյունքում հայտնաբերել են 3 լորտու տեսակի սողուն, 3 սահնօձ, 4 շահմար, 1 գյուրզա, 2 անհայտ տեսակի օձ և տեղափոխել անվտանգ տարածք:
