Պաշարված Արցախում գյուղատնտեսությամբ զբաղվելը դարձել է գրեթե անհնար

Պաշարված Արցախում գյուղատնտեսությամբ զբաղվելը դարձել է գրեթե անհնար: Հայտնում են Արցախի հանրային ՀԸ-ն պատրաստած ռեպորտաժում:

Ոլորտի պատասխանատուները դժվարություններին քաջատեղյակ են, հողօգտագործողներն էլ ահազանգում են գրեթե ամեն օր:

Իրեն հասանելի բոլոր վայրերում թշնամին թիրախավորում է գյուղատնտեսությամբ զբաղվողներին: Մնացած դեպքերում էլ վառելիքի ու անհրաժեշտ նյութերի պակասը, երբեմն էլ՝ բացակայությունը, թույլ չի տալիս աշխատանքները լիարժեք կազմակերպել: Պակասն էլ, այս տարի առատորեն պատուհասած բնական աղետներն են լրացրել՝ քամի, կարկուտ ու հեղեղներ:

Արդյունքում, շատ հողօգտագործողներ բերքահավաքի օրերին ոչ թե եկամուտներն են հաշվում, այլ վնասները: