Հայաստանն ու Ադրբեջանը որեւէ քարտեզի մասով որոշում չեն կայացրել. փոխվարչապետի գրասենյակ

Հայաստանն ու Ադրբեջանը սահմանազատման ու սահմանային անվտանգության հարցերով հանձնաժողովի եւ սահմանազատման պետական հանձնաժողովի չորրորդ հանդիպմանը արդյունքում որեւէ քարտեզի մասով որոշում չեն կայացրել: Այս տեղեկությունը NEWS.am-ին հայտնեցին ՀՀ փոխվարչապետ Մհեր Գրիգորյանի գրասենյակից։

Հիշեցնենք՝ հուլիսի 12-ին ԱԳՆ–ն տեղեկացրել էր, որ Հայաստան–Ադրբեջան սահմանին տեղի էր ունեցել ՀՀ փոխվարչապետ Մհեր Գրիգորյանի ու Ադրբեջանի փոխվարչապետ Շահին Մուստաֆաեւի հանդիպումը։ Հանդիպումը տեղի էր ունեցել ՀՀ Տավուշի մարզի եւ Ադրբեջանի Ղազախի շրջանի հատվածում։