Իրանի ԶՈւ ԳՇ պետն այցելել է Ադրբեջանի հետ սահման

Իրանի զինված ուժերի գլխավոր շտաբի պետ, գեներալ Մոհամմադ Բաղերին չորեքշաբթի այցելել է Արևմտյան Ադրբեջանի նահանգի Փոլդաշտ սահմանային անցակետ, հայտնում է ԻՌՆԱ–ն։

Գեներալ Բաղերին Իրանի Իսլամական Հանրապետության բանակի հրամանատարի եւ մի խումբ պատգամավորների ու հրամանատարների հետ հանդիպել է նահանգապետերի հետ։

Իրանի զինված ուժերի գլխավոր շտաբի պետի խոսքով, այսօր երկրի զինված ուժերի զսպող ուժը առավել քան երբևէ բարձր է, և զինված ուժերի բոլոր կազմավորումները գտնվում են լիարժեք մարտական ​​պատրաստվածության մեջ։

Նա որպես այցի հիմնական նպատակ նշել է Ադրբեջանի Հանրապետության հետ Իրանի սահմանի պասիվ պաշտպանության դիտարկումը։