Ադրբեջանցիներն առաջատար են Վրաստանից արտաքսվածների թվում

Վրաստանն այս տարվա երկրորդ եռամսյակում արտաքսել է Ադրբեջանի 19 քաղաքացու, հայտնում են ադրբեջանական լրատվամիջոցները՝ վկայակոչելով Վրաստանի ՆԳՆ-ի տվյալները։

Վրաստանից արտաքսված Ադրբեջանի 10 քաղաքացի անչափահաս է, 2-ը՝ 18-25 տարեկան, 3-ը՝  26-40 տարեկան եւ 4-ը ՝ 41-65 տարեկան: 

Վիճակագրության համաձայն ՝ այս տարի Վրաստանից արտաքսվել է Ադրբեջանի ընդհանուր առմամբ 32 քաղաքացի: Ադրբեջանի քաղաքացիները կազմում են ընթացիկ տարվա առաջին կիսամյակում Վրաստանից արտաքսվածների մեծամասնությունը: