Խոշոր ավտովթար Վայոց ձորի մարզում. 56-ամյա վարորդը КамАЗ-ով կողաշրջվել է

Այսօր՝ հուլիսի 21-ին, խոշոր ավտովթար է տեղի ունեցել Վայոց ձորի մարզում: Ժամը 01:30-ի սահմաններում Երևան-Մեղրի ավտոճանապարհի 147.5 կմ հատվածում Երևանի բնակիչ 56-ամյա Արա Ս.-ն իր վարած КамАЗ մակնիշի բեռնատարով, դեռևս անհայտ հանգամանքներում, դուրս է եկել երթևեկելի գոտուց և կողաշրջվել:

Ինչպես հայտնում է ֆոտոլրագրող Գագիկ Շամշյանը , վթարի հետևանքով, ըստ նախնական տեղեկությունների, բարեբախտաբար տուժածներ չկան:

Օպերատիվորեն ժամանել են ՀՀ Ներքին գործերի նախարարության Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի ծառաողները՝ վաշտի հրամանատար Վաչե Ալավերդյանի, դասակի հրամանատար Կարեն Օհանյանի և ճանապարհատրանսպորտային պատահարների գործերով տեսուչ Համլետ Սիրեկանյանի գլխավորությամբ:

Վթարի փաստով Հ. Սիրեկանյանի կողմից նյութեր են նախապատրաստվում: