Արեն Խառատյանը հաղթել է բռնցքամարտի պատանեկան ԵԱ-ում

Հայաստանի թիմը հաղթանակով է մեկնարկել Ռումինիայում ընթացող բռնցքամարտի Եվրոպայի պատանիների առաջնությունում:

Հայաստանի բռնցքամարտի ֆեդերացիայի մամուլի ծառայությունը հայտնում է, որ 52 կգ քաշային կարգում Հայաստանի ներկայացուցիչ Արեն Խառատյանն առավելության է հասել Անգլիան ներկայացնող Բարնի Սմիթի նկատմամբ։ Հաջորդ մենամարտը Խառատյանը կանցկացնի հուլիսի 25-ին։

Հիշեցնենք, որ բռնցքամարտի Եվրոպայի պատանիների առաջնությունը մեկնարկել է հուլիսի 19-ին և կավարտվի հուլիսի 31-ին: