Իսրայելում մեքենան մխրճվել է ցուցարարների մեջ. ահասարսուռ կադրեր

Իսրայելի կենտրոնական մայրուղու վրա մեքենան մխրճվել է ցուցարարների բազմության մեջ, հայտնում է ՌԻԱ Նովոստին։ Զոհերի կամ տուժածների մասին դեռ տվյալներ չեն հաղորդվում։

Երկուշաբթի օրը բողոքի ցույցեր են սկսվել Իսրայելում՝ երկրի դատաիրավական բարեփոխումների փաթեթի առաջին օրինագծի ընդունումից հետո, հայտնում է The Times of Israel-ը:

Բողոքի ցույցեր են ընթանում Երուսաղեմում, Թել Ավիվում, Հայֆայում և երկրի բազմաթիվ այլ քաղաքներում։

Ցուցարարները փակել են Իսրայելի գլխավոր մայրուղին՝ Թել Ավիվի Այալոն մայրուղին։ Ոստիկանները փորձում են ցուցարարներին ցրել՝ մեքենաների շարժը վերսկսելու համար։