Երևանում փոշու պարունակությունը գերազանցել է սահմանային թույլատրելի կոնցենտրացիան

Երևանում փոշու պարունակությունը գերազանցել է սահմանային թույլատրելի կոնցենտրացիան. Կենտրոն վարչական շրջանում՝ ամբողջ շաբաթվա ընթացքում, Նոր Նորքում և Արաբկիրում՝ հուլիսի 21-ին, 24-ին և 25-ին, Շենգավիթում՝ հուլիսի 21-ին և 23-26-ը։ Այս մասին հայտնել է «Հիդրոօդերևութաբանության և մոնիթորինգի կենտրոն» ՊՈԱԿ-ը։

«Ազոտի երկօքսիդի պարունակությունը հուլիսի 24-ին Նոր Նորքում գերազանցել է սահմանային թույլատրելի կոնցենտրացիան։

Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան»,- ասվում է ՀՈԱԿ-ի հրապարակման մեջ։