«Ապրելու երկիրն» իրական շանս ունի հաղթելու Ավինյանին

Վերջին հարցումների համաձայն՝ գործող իշխանությունները զգալի կորցրել են իրենց դիրքերը, փոխարենը մի շարք ընդդիմադիր քաղաքական ուժեր, որոնք հայտարարել են Երևանի ավագանու ընտրություններին մասնակցելու իրենց մտադրության մասին, զգալի առաջընթաց են գրանցել։

Այդուհանդերձ նույնիսկ այդ առաջընթացը բավարար չէ այս պահի դրությամբ իշխանություններին՝ գործող վարչախմբին՝ Երևանի իշխանությունից հեռացնելու համար։ Մեր աղբյուրների փոխանցմամբ՝ հատկապես ուշագրավ է «Ապրելու երկիր» կուսակցության արձանագրած ցուցանիշները։

Գործող վարչախումբն անում է ամեն ինչ, որպեսզի Երևանի ավագանու սեպտեմբերին կայանալիք ընտրությունները ոչնչով չտարբերվեն 2021 թվականի խորհրդարանական ընտրություններից, մասնավորապես Նիկոլ Փաշինյանին հաջողվեց մնալ իշխանության և պահպանել վարչապետի պաշտոնը, միայն այն պատճառով, որ ընտրողների մասնակցության ցուցանիշը չափազանց քիչ էր, իշխանություններին հաջողվեց հուսահատության ալիքի վրա ճկուն ռեսուրսն օգտագործելով, իր ընտրազանգվածին բերել իշխանության, ինչը չկարողացան անել ընդդիմադիր քաղաքական ուժերը։

Այս անգամ ևս գործող վարչախմբի հիմնական հույսն ընտրողների ցածր մասնակցությունն է, փոխարենն իրենք վարչական, քրեական, ֆինանսական և այլ ռեսուրսներով մարդկանց փորձելու են բերել ընտրատեղամասեր և որքան ցածր լինի ընտրություններում մասնակցության արդյունքը, այնքան ավելի բարձր է լինելու իշխանությունների շանսերը Երևանի ավագանու ընտրություններում անցնելու, ուստի և հարկավոր է Հայաստանի քաղաքացիներին հասկացնել և բացատրել՝ եթե չես գնում ընտրություններում և չես մասնակցում, ուրեմն՝ նիկոլական ես։

Այլընտրանք պարզապես գոյություն չունի, հստակ և պարզ պետք է բացատրել, եթե մարդիկ ցանկանում են փոխել իրենց կյանքը, դնել զարգացման ռելսերի վրա, ոչ միայն պարտավոր են գնալ ընտրություններին, այլ նաև իրենց քվեն տալ ընդդիմադիր ուժերին, հատկապես այն ուժերին, որոնք իսկապես ունեն հնարավորություն Երևանում անել իշխանափոխություն։ Այս պահի դրությամբ այդպիսի միակ քաղաքական ուժը հենց «Ապրելու երկիր» կուսակցությունն է։

Ալլա Մելքոնյան