Իրանի ԱԳՆ-ն ԱՄՆ-ին և Մեծ Բրիտանիային մեղադրում է տարածաշրջանում իրավիճակն ապակայունացնելու մեջ

ԱՄՆ-ի ռազմական ներկայությունը տարածաշրջանում չի հանգեցրել անվտանգության բարձրացման, և նրանց շահերը տարածաշրջանում անկայունության և անապահովության մեջ են: Այս մասին երկուշաբթի օրը հայտարարել է Իրանի արտգործնախարարության խոսնակ Նասեր Քանանին։

Իրանի արտգործնախարարության խոսնակը Մեծ Բրիտանիան անվանել է տարածաշրջանում ահաբեկիչներին հովանավորող՝ մատնանշելով Իսլամական հեղափոխության պահապանների կորպուսը սև ցուցակում ներառելու` Լոնդոնի բազմակի կոչերը:

Քանանին հայտնել է, որ Ռուսաստանի փոխարտգործնախարար Սերգեյ Ռյաբկովն օգոստոսի 8-ին կմասնակցի Իրանի և BRICS-ի համագործակցությանը նվիրված համաժողովին: