Օգոստոսի 10-14-ը օդի հարաբերական խոնավությունը կնվազի մինչեւ 8-10 տոկոս

Օգոստոսի 10-14-ն արեւադարձային տաք օդային ալիքների ներթափանցմամբ պայմանավորված՝ ցերեկը ժամը 13։00-18։00 ընկած ժամանակահատվածում, Արագածոտնի, Կոտայքի եւ Վայոց ձորի նախալեռներում, Արարատյան դաշտում եւ Երեւանում օդի հարաբերական խոնավությունը  կնվազի մինչեւ 8-10 տոկոս։ Այս մասին NEWS.am-ին հայտնում է «Հիդրոօդերեւութաբանության եւ մոնիթորինգի կենտրոն» ՊՈԱԿ-ը։

Ջրազրկումից խուսափելու համար խորհուրդ է տրվում հետեւել առողջապահության նախարարության հորդորին եւ ընդունել շատ հեղուկներ: