Բաքուն «հիացած է ռուսական ագրեսիային հակահարված տալու քաջությամբ, ուստի Ուկրաինային օգնության նոր փաթեթ կտրամադրի»

Ուկրաինայում Ադրբեջանի դեսպան Սեյմուր Մարդալիևը հանդիպել է Ուկրաինայի ներքին գործերի փոխնախարար Բոգդան Դրապյատին, հայտնում են ադրբեջանական լրատվամիջոցները։

Մարդալիևն ասել է, որ Ադրբեջանը լիովին աջակցում է Ուկրաինայի կողմին և կշարունակի օգնել նրան։ Ադրբեջանի դեսպանը խոսել է աջակցության մի քանի ոլորտների մասին՝ ուկրաինացի երեխաների բժշկական և հոգեբանական վերականգնում, զինվորականների վերականգնում, օգնություն էներգետիկ ոլորտում և հետպատերազմյան վերականգնում: Քննարկվել է նաև հումանիտար ականազերծման փորձի փոխանակման դասընթացների անցկացումը։

Հանդիպման ավարտին Մարդալիևը հայտարարեց օգնության նոր փաթեթի մասին։ Այն կներառի մեքենայացված ականազերծման մեքենա։

«Մենք ցանկանում ենք մեր հիացմունքն արտահայտել Ռուսաստանի Դաշնության ագրեսիային հակահարված տալու ձեր տոկունության և քաջության համար։ Այդ իսկ պատճառով մենք որոշեցինք մեծացնել Ուկրաինային օգնության փաթեթի չափը, այդ թվում՝ մարդասիրական ականազերծման հարցում։ Մենք արդեն քաղաքական պարտավորություններ ենք ստանձնել՝ օգնելու Ուկրաինային»,- ասել է Մարդալիևը։