Ճապոնիայի հյուսիսում 5,9 մագնիտուդով երկրաշարժ է տեղի ունեցել

5,9 մագնիտուդ ուժգնությամբ երկրաշարժ է գրանցվել Ճապոնիայի հյուսիսային հատվածում, ցունամիի վտանգ չկա. հայտնել է երկրի ազգային օդերեւութաբանական վարչությունը։

Երկրաշարժի էպիկենտրոնը գտնվել է Խաղաղ օվկիանոսում՝ Հոկայդո կղզու և Հոնսյու կղզու հյուսիսային հատվածի միջև։ Աղբյուրը գտնվել է օվկիանոսի հատակի 20 կմ խորության վրա։

Զոհերի և ավերածությունների մասին տեղեկություններ չկան։ Ցնցումները զգացվել են Հոկայդո, Աոմորի, Իվատե, Ակիտա պրեֆեկտուրաներում։