Արցախում կաթնամթերքի արտադրամասերը դադարեցնում են իրենց գործունեությունը
ՀԱՍԱՐԱԿՈՒԹՅՈՒՆԱրդեն ամիսներ շարունակ՝ Արցախում կաթնամթերքի խնդիր կա: Այս մասին հաղորդում է Արցախի հեռուստաընկերությունը:
Կաթի արտադրությունը կրճատվեց, հետո կաթնամթերքի արտադրության համար նյութերի ու տարաների ներկրումը դարձավ անհնար: Դրան գումարվեց վառելիքի բացակայությունը:
Արդյունքում՝ վերջին արտադրամասերն էլ հայտարարեցին, որ իրենց գործունեությունը դադարեցնում են: Փորձ է արվելու հավաքված կաթը բաժանել բնակչությանը:
«Վառելիքի դեֆիցիտի պատճառով հնարավոր չէր իրականացնել բավարար կերակուտակում, որի արդյունքում ունենք կաթնատվության նվազում շուրջ 40-ից 50 տոկոս՝ ներառյալ տոհմային կենդանիները»,- ասել է ԱՀ ԳՆ ագրովերամշակման զարգացման բաժնի պետի պաշտոնակատար Զավեն Բաղրյանը:
Շրջափակումից հետո Ստեփանակերտում գործող կաթնամթերքի արտադրամասերի մոտ մարդաշատ հերթեր են: Հարյուրավոր մարդիկ ամեն օր ժամերով հերթ են կանգնում, քիչ քանակությամբ կաթնամթերք ձեռք բերելու համար: Նման հնարավորությունից զրկված են առողջական խնդիր ունեցողները, հղիներն ու տարեցները, բոլոր նրանք, ովքեր չունեն հնարավորություն՝ ժամերով հերթ կանգնելու: Նման իրավիճակներից խուսափելու համար կաթը վաճառվելու է քաղաքի տարբեր տեղամասերում:
