Ադրբեջանը ԼՂ երեխաներին մեղադրում է իրենց ծննդյան օրը թխվածքաբլիթ ուտելու համար․ Մարուքյան

Ադրբեջանը, որը մեղադրվում է Լեռնային Ղարաբաղում էթնիկ զտումների եւ ցեղասպանության կազմակերպման համար, ԼՂ երեխաներին մեղադրում է իրենց ծննդյան օրը շատ համեղ թխվածքաբլիթ ուտելու համար։ Այս մասին X-ի իր միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը։

«Սա կատարյալ ցուցանիշ է՝ Լեռնային Ղարաբաղի խաղաղ ժողովրդի նկատմամբ Ադրբեջանի քաղաքականությունը հասկանալու համար։ Ուստի Լեռնային Ղարաբաղի ժողովրդի իրավունքների եւ անվտանգության ապահովման միջազգային մեխանիզմն առաջնային նշանակություն ունի»,- նշել է Մարուքյանը։