Արայիկ Հարությունյանն ընդունել է ԱԺ «Ազատ հայրենիք-ՔՄԴ» խմբակցության պատգամավորներին

Արցախի Հանրապետության  նախագահ Արայիկ Հարությունյանը օգոստոսի 17-ին  ընդունել է ԱՀ Ազգային ժողովի «Ազատ հայրենիք-ՔՄԴ» խմբակցության պատգամավորներին։ Այս մասին NEWS.am-ը տեղեկանում է նախագահի աշխատակազմից:

Նախագահը ներկայացրել է արտաքին քաղաքական  դաշտում վերջին շրջանում տեղի ունեցած  զարգացումները, մասնավորապես՝ անդրադարձել ՄԱԿ-ի Անվտանգության խորհրդի նիստում կայացած քննարկումներին։

Պատգամավորների հետ հանդիպմանը նախագահ Հարությունյանն անդրադարձել է նաեւ երկրում ստեղծված ծանրագույն սոցիալ-տնտեսական իրավիճակին, ընդգծել հումանիտար աղետի հաղթահարման նպատակով արտաքին եւ ներքին ներուժի համակարգված օգտագործման  անհրաժեշտությունը։