Կալիֆոռնիայում փոթորկի ժամանակ տեղի է ունեցել երկրաշարժ

Ամերիկյան Կալիֆոռնիա նահանգի հարավային մասում տեղի է ունեցել  5,1 մագնիտուդով երկրաշարժ։ Այս մասին տեղեկացրել է Reuters-ը։

Մերձարեւադարձային փոթորկի ժամանակ տեղի ունեցած երկրաշարժը գրանցվել է Լոս Անջելեսից հյուսիս։ Ցնցումներն զգացվել են Օհայ քաղաքից յոթ կիլոմետր հեռվում, Վենտուրայի օկրուգում։ Տեղի իշխանությունների ներկայացուցիչները հայտարարել են, որ երկրաշարժն ուժեղ զգացվել է ամբողջ Վենտուրայի օկրուգում։ Շինությունների վնասվելու մասին տեղեկություններ առայժմ չեն ստացվել։