Ադրբեջանը միջազգային հետախուզում է հայտարարել Կարեն Մաթևոսյանի նկատմամբ

Ադրբեջանի գլխավոր դատախազությունը հայտարարել է, որ քրեական գործ է հարուցել ԱՀ մայրաքաղաք «Ստեփանակերտի բնակչի կողմից Telegram-ում անջատողականություն քարոզելու փաստի առթիվ»։

«Կարեն Մաթևոսյանին մեղադրանք է առաջադրվել «օրենքով չնախատեսված զինված կազմավորումներ և խմբավորումներ ստեղծելու» և «ազգային ատելություն ու թշնամանք հրահրելու» համար»,– ասված է հաղորդագրության մեջ։

Հաղորդվում է, որ Ադրբեջանի գլխավոր դատախազությունը Արցախի աշխարհազորի հրամանատար Կարեն Մաթևոսյանի նկատմամբ միջազգային հետախուզում է հայտարարել։