Արայիկ Հարությունյանին նմանակող Դավիթ Մինասյանին կրկին բերման են ենթարկել

Արցախի նախագահ Արայիկ Հարությունյանին նմանակող արցախցի Դավիթ Մինասյանին այսօր կրկին բերման է ենթարկել ոստիկանություն: ԱՀ ՆԳՆ ոստիկանությունը հայտնում է, որ Վերածննդի հրապարակից կան բերման ենթարկվածներ:

«Oգոստոսի 26-ին ոստիկանության Ստեփանակերտ քաղաքի վարչության հերթապահ մասում հաղորդում է ստացվել, որ ժամը 18:00-ի սահմաններում, Վերածննդի հրապարակում Ստեփանակերտ քաղաքի բնակիչներ Դ.Մ.-ն (ծնված 1989թ.) և Խ.Հ.-ն (ծնված 1991թ.), Արցախի Հանրապետության նախագահի կողմից հայտարարաված ռազմական դրության պայմաններում, օրենքով (հոդված` 235) սահմանված կարգի խախտմամբ, դիտավորությամբ կազմակերպել և անց են կացրել հավաք, հայտնում են Արցախի ոստիկանությունից։

Նշված անձինք բերման են ենթարկվել ոստիկանության քաղաքային վարչություն: Փաստի առթիվ Ստեփանակերտ քաղաքի վարչությունում նախապատրաստվում են նյութեր»։