Շառլ Միշելը Կանադայի ԱԳ նախարարի հետ քննարկել է Արցախի հարցը

Եվրոպական խորհրդի նախագահ Շառլ Միշելը Կանադայի արտաքին գործերի նախարար Մելանի Ջոլիի հետ քննարկել է Լեռնային Ղարաբաղի հարցը․ այս մասին X–ի էջում հայտնել է ԱԳ նախարարը։

Նա նշել է, որ հանդիպման ժամանակ անդրադարձ են կատարել տարբեր տարածաշրջաններում առկա հարցերի։

«Մենք քննարկել ենք Բալկաններում ընդլայնվելու նրա տեսլականը, Լեռնային Ղարաբաղի հակամարտությունը և Հայիթիի ճգնաժամի կարգավորմանն ուղղված հետագա քայլերը։ Այս զրույցներն առանցքային են գործընկերային աշխատանքի համար»,- գրել է նա։