Արարատում մեքենաներ են բախվել, մեկը շրջվել է․ կան վիրավորներ

Երեկ՝ օգոստոսի 29-ին, խոշոր ավտովթար է տեղի ունեցել Արարատի մարզում։ Ժամը 23։30-ի սահմաններում Արարատ գյուղի վարչական տարածքում բախվել են Արարատի մարզի բնակիչներ 23-ամյա Արման Աբրահամյանի վարած BMW X5 մակնիշի և Մհեր Խաչատրյանի վարած Nissan մակնիշի ավտոմեքենաները։ Բախման հետևանքով BMW-ն գլխիվայր շրջվել է․ գրում է Shamshyan.com-ը։

Վթարի հետևանքով Ա․ Աբրահամյանի ուղևորներ, Արարատի մարզի բնակիչներ, 50-ամյա Ալիսա Ա․-ն և նաև ՌԴ քաղաքացի, 15-ամյա Գոռ Ա․-ն մարմնական վնասվածքներով տեղափոխվել են «Արարատ» բժշկական կենտրոն։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։