Մեքնենան բախվել է մոպեդին․ վիրավոր ամուսինները տեղափոխվել են հիվանդանոց

Այսօր՝ սեպտեմբերի 2-ին, արտակարգ դեպք է տեղի ունեցել Երևանում: Ժամը 08:50-ի սահմաններում անհայտ մակնիշի և համարանիշի ավտոմեքենան Բագրատունյաց 2/4 հասցեի դիմաց բախվել է երթևեկող մոպեդին․ հայտնում է Shamshyan.com-ը։

Բախման հետևանքով մոպեդը կողաշրջվել է, իսկ մոպեդավարն ու մոպեդի ուղևորը մարմնական վնասվածքներով տեղափոխվել են «Էրեբունի» բժշկական կենտրոն: 

Վիրավորներին առաջինը օգնության են հասել դեպքի վայրի հարևանությամբ գործող բենզալցակայանի աշխատակիցները

Գ. Շամշյանի տեղեկություններով վիրավորները ամուսիններ են: 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։