Այս տարի Երեւանում կկառուցվի շուրջ 60 թեքահարթակ. քաղաքապետարան

Դավթաշենի 1-ին և 2-րդ թաղամասերի միջև գտնվող կենտրոնական այգին ամբողջությամբ կհիմնանորոգվի: Այդ մասին զեկուցվել է այսօր՝ սեպտեմբերի 4-ին, Երևանի քաղաքապետարանի գործակարգավարական խորհրդակցության ժամանակ:

Զեկուցվեց նաև, որ ընթացիկ տարում մայրաքաղաքում կկառուցվի շուրջ 60 թեքահարթակ: Երևանի 28 փողոցներում վերգետնյա մալուխները կանցկացվեն ստորգետնյա կապուղիներով. կփորվի շուրջ 80 կմ խրամուղի:

Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցի համար «Հրազդան» մարզադաշտին կից՝ ավելի քան 15500 քմ տարածքում, նոր շենք կկառուցվի։