Որոշակի փոփոխություններ կան զինված ուժերում, բայց նաեւ կարգապահությունն ընկել է. Սեյրան Օհանյան
ՔԱՂԱՔԱԿԱՆՈՒԹՅՈՒՆՈրոշակի փոփոխություններ կան զինված ուժերում. Եթե փոփոխություններ չլինեին, դա կնշանակեր, որ հայ ժողովուրդը կորցրել է հայրենասիրության բոլոր զգացմունքները, բանակի ղեկավարությունն էլ չի ցանկանում բանակը վերականգնել: Այս մասին այսօր՝ սեպտեմբերի 4-ին, ԱԺ-ում լրագրողների հետ զրույցում նշեց «Հայաստան» խմբակցության ղեկավար Սեյրան Օհանյանը:
«Բանակն ամենալայն հնարավորությունն ունի արագ վերականգնել իր մարտունակությունը: Իհարկե, խնդիր կա կարգապահության եւ անվտանգության կանոնների պահպանման հետ: Այստեղ ես ուզում եմ քննադատել ԶՈՒ-ին, որովհետեւ 2018-ից սկսած բանակի մարտունակության, կառվարման, նրա կարողությունների անկման պատճառներից մեկը կարգապահությունն է: Բանակի նկատմամբ քաղաքականությունն իջեցրեցին կենցաղային մակարդակի՝ սկսած բանակի արտաքին տեքսից: Կարգապահությունն ազդում է նաեւ անվտանգության կանոնները պահպնելու վրա, որի հետեւանքով զոհեր ենք ունենում»,-ասաց նա:
