ԱԳՆ-ն ցավակցություն է հայտնել Մարոկկոյի ավերիչ երկրաշարժի ժամանակ զոհվածների ընտանիքներին

Հայաստանի Հանրապետության ԱԳՆ-ն ցավակցություն է հայտնել Մարոկկոյի ավերիչ երկրաշարժի ժամանակ զոհվածների ընտանիքներին, իսկ տուժածներին մաղթել շուտափույթ ապաքինում։

Նշենք, որ Մարոկկոյում ուրբաթ ուշ երեկոյան տեղի ունեցած 6,8 մագնիտուդով երկրաշարժի զոհերի թիվը գերազանցել է  800-ը, փրկարարները շարունակում են որոնումները:

6,8 մագնիտուդով երկրաշարժն ամենաուժեղն է վերջին 120 տարում, այն փլուզել է շենքեր եւ պատեր հին քաղաքներում, որոնք կառուցված էին քարից եւ այնպիսի քարակառուցվածք ունեին, որը հաշվարկված չէր երկրաշարժերի համար։