Ռուսաստանը պաշտոնական ազդանշաններ չի տեսնում Հայաստանի՝ ՀԱՊԿ-ից դուրս գալու ցանկության մասին. Պեսկով

Ինչպես նշել է ՌԴ նախագահի մամուլի քարտուղարը, արևմտամետ վերլուծաբանները քննարկում են Հայաստանի՝ Հավաքական անվտանգության պայմանագրից դուրս գալու ենթադրյալ ցանկությունը.

«Արևմտամետ վերլուծաբանները խոսում են Հավաքական անվտանգության պայմանագրի կազմակերպությունից (ՀԱՊԿ) դուրս գալու՝ Հայաստանի ենթադրյալ ցանկության մասին, սակայն Ռուսաստանի Դաշնությունը նման պաշտոնական ազդանշաններ չի տեսնում»,- լրագրողների հետ զրույցում այս մասին ասաց ՌԴ նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի հարցին։

«Մենք տեսել ենք բազմաթիվ քննարկումներ այս թեմայի շուրջ, այդ թվում, օրինակ, Հայաստանում գտնվող արևմտամետ վերլուծաբանների, որոնք բազմիցս քննարկել են դա, բայց մենք պաշտոնական ազդանշաններ չենք ստացել այդ հարցի վերաբերյալ», - ասաց Պեսկովը։