Հաճախորդը հուզված է, վախեցած ու լիզող. Անդրանիկ Թեւանյանը՝ Նիկոլ Փաշինյանի մասին

«Մայր Հայաստան» դաշինքի քաղաքապետի թեկնածու Անդրանիկ Թեւանյանն արձագանքել է վարչապետ Նիկոլ Փաշինյանի այսօրվա հայտարարություններին:

«Ինչպես հայտնի ֆիլմում է ասվում, հաճախորդը նյարդայնանում է, հաճախորդը վերջապես հասունացել է: Երբ անբարոյականն է խոսում բարոյականությունից, երբ խրոնիկ դասալիքը խոսում է դասալքությունից, երբ թուրքի կոշիկը լիզողը խոսում է ասֆալտ լիզելուց, երբ մարդկանց կրակի բերան տանողը եւ դեպքի վայրից ծլկողը խոսում է հակառակորդի աչքերի մեջ նայելուց, հասկանում ես, որ հաճախորդն իրար է խառնվել: Զոռով բերովի մարդկանց ներկայությամբ հոխորտալը խիզախության նշան չէ»,- ֆեյսբուքյան ուղիղ եթերում ասել է Անդրանիկ Թեւանյանը:

Նշենք, որ Նիկոլ Փաշինյանն այսօր Երեւանի քաղաքապետարանի դիմաց հրավիրված ՔՊ-ի հանրահավաքի ժամանակ մասնավորապես ասել է. «Մեկ ուրիշ բանավեճի չգնացող էլ երեւանցիներին կոչ է անում, թե բա ձեր քվեներով կրակեք: Բա գնայիր բանավեճի, քո խոսքով կրակեիր քո խոսքով: Դու ուրիշներին կրակելու կոչ ես անում ու փախնում քաղաքական դուելից, այ վախկոտ դասալիք: Խորհուրդ կտամ այդ կրակելուց խոսողներին, այդ արյունով Երեւանը վերցնելու մասին խոսողներին, խորհուրդ կտամ բառապաշարի վերանայում անել եւ սեփական բախտը չփորձել: Սա ձեր եւ ձեր կնքահայրերի համար 1999-ը չէ, սա առավել եւս հոկտեմբերը չեւ եւ 27-ը չէ, սա 2023-ն է, սեպտեմբերի 17-ն է: Դե մի հատ,. Կներեք, կոշտ բառապաշարի համար, բայց  երեւում է որոշ մարդիկ ուրիշ բառապաշար դժվար են հասկանում: Դե մի հատ բախտներդ փորձեք ու ձեզ սպասվում է ասֆալտի հարուստ դիետա: Այնքան բախտներդ փորձեք, այնքան ասֆալտ փորձեք ու բորդյուր լիզեք, որ Երեւանի սանմաքրման հնգամյակը մեկ շաբաթում գերակատարենք»: