Արցախում սկսվել է Պաշտպանության բանակի սպառազինությունները հանձնելու գործընթացը
ՔԱՂԱՔԱԿԱՆՈՒԹՅՈՒՆ
Արցախում սկսվել է Պաշտպանության բանակի սպառազինությունները հանձնելու գործընթացը։ Այս մասին հայտնում է ռուսական խաղաղապահ զորախմբի թելեգրամյան ալիքը։
«Ի կատարումն ռուսական խաղաղապահ զորախմբի հրամանատարության միջնորդությամբ ձեռք բերված ռազմական գործողությունների դադարեցման պայմանավորվածությունների՝ սկսվել է Լեռնային Ղարաբաղի պաշտպանության բանակի ստորաբաժանումների զենքի և զինամթերքի հանձնումը ՝ ռուս զինծառայողների հսկողության ներքո։ Բացի այդ, Ղարաբաղի զինված ուժերը լքում են իրենց դիրքերը՝ Եվլախում կայացած հանդիպմանը ձեռք բերված պայմանավորվածությունների շրջանակում։ Մինչ օրս հանձնվել է ավելի քան 800 հրազեն, նռնակ, ականանետ, հակատանկային կառավարվող հրթիռ եւ շարժական զենիթահրթիռային համալիր»,– ասվում է հաղորդագրությունում։
