ՌԴ խաղաղապահները հրադադարի երկու խախտում են արձանագրել Ասկերանի շրջանում

Ռազմական գործողությունների դադարեցման մասին պայմանավորվածությունների կնքման պահից հրադադարի երկու խախտում է  արձանագրվել Ասկերանի շրջանում։ Այս մասին հայտնում է ՌԴ պաշտպանության նախարարությունը։

«Տուժածներ  չկան։ Ռուսաստանյան խաղաղապահ զորախմբի հրամանատարությունը ադրբեջանական կողմի և Ղարաբաղի ներկայացուցիչների հետ համատեղ իրականացնում է այս փաստերի հետաքննությունը»,- ասվում է հաղորդագրության մեջ։

Ռուսաստանյան խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Բաքվի և Ստեփանակերտի հետ շարունակական փոխգործակցություն է պահպանվում՝ ուղղված արյունահեղության կանխմանը, անվտանգության ապահովմանը, խաղաղ բնակչության նկատմամբ  մարդասիրական իրավունքի պահպանմանը։