Ոչ ոք չպետք է ստիպված լքի իր տունը․ ՄԱԿ ներկայացուցիչը՝ ԼՂ իրավիճակի մասին

ՄԱԿ-ի փախստականների հարցերով գերագույն հանձնակատարի գրասենյակը մտահոգություն է հայտնում Հայաստան ժամանող փախստականների աճող թվի կապակցությամբ։ Այս մասին Ժնեւում կայացած ճեպազրույցում հայտարարել է գերատեսչության պաշտոնական ներկայացուցիչ Շաբիա Մանթուն։

Կառույցն ակնկալում է, որ բոլոր կողմերը «պաշտպանեն քաղաքացիական անձանց և լիովին հարգեն միջազգային մարդասիրական և փախստականների իրավունքը», ինչպես նաև ապահովեն «քաղաքացիների անվտանգ տեղաշարժը»:

«Ոչ ոք չպետք է ստիպված լքի իր տունը»,- ասել է Մանթուն:

ՄԱԿ ՓԳՀ-ն «ուշադրությամբ հետևում է իրավիճակին»: