Թուրքիան ցավակցություն է հայտնել Ստեփանակերտին

Մեծ ցավով տեղեկացանք, որ սեպտեմբերի 25-ին Ստեփանակերտի գազալցակայանում տեղի ունեցած պայթյունի հետևանքով բազմաթիվ մարդիկ են զոհվել, հարյուրավորները ծանր վիրավորվել են։ Այս մասին հայտարարություն է տարածել Թուրքիայի ԱԳՆ-ն։

«Մեր ցավակցությունն ենք հայտնում այս ողբերգական դեպքի հետևանքով զոհվածների հարազատներին, իսկ վիրավորներին մաղթում ենք շուտափույթ ապաքինում։ Թուրքիան պատրաստ է անհրաժեշտության դեպքում օգնություն ցուցաբերել»,- նշված է հաղորդագրության մեջ։