Ռուս խաղաղապահները պարգևատրվել են ԼՂ-ում առաջադրանքները կատարելու համար

Լեռնային Ղարաբաղում առաջադրանքներ կատարող ռուս խաղաղապահները պարգեւատրվել են ՌԴ պաշտպանության նախարարության գերատեսչական պարգեւներով եւ տարբերանշաններով։ Այս մասին հայտնում է ՌԴ ռազմական գերատեսչությունը։

«Մաղթում եմ խաղաղապահ զորախմբի առջեւ մեր պետության առաջադրած խնդիրների հաջող կատարում՝ պայմաններ ստեղծել, որպեսզի մարդիկ վերադառնան իրենց տները, իրենց հողերը, ապրեն խաղաղ ու ներդաշնակ»,- ասել է ՌԴ խաղաղապահ զորախմբի հրամանատարը։

Խաղաղապահները շարունակում են շուրջօրյա վերահսկել իրավիճակը Լեռնային Ղարաբաղի տարածքում և շարունակական փոխգործակցությունը պահպանել Բաքվի և Ստեփանակերտի հետ։