Վենետիկում զբոսաշրջիկներ տեղափոխող ավտոբուսը ընկել է էստակադայից. Զոհվել է 20 մարդ

Ավելի քան 20 մարդ է զոհվել, 18-ը՝ վիրավորվել այն բանից հետո, երբ օտարերկրյա զբոսաշրջիկներ տեղափոխող ավտոբուսը Իտալիայի հյուսիսում՝ Վենետիկի մերձակայքում ընկել է էստակադայից, հայտնել են պաշտոնյաները։

Հաղորդվում է, որ երեքշաբթի երեկոյան, տեղական ժամանակով մոտավորապես 19:45-ին ավտոբուսը դուրս է եկել ճանապարհից, բախվել արգելապատնեշին, ընկել էլեկտրահաղորդման գծի վրա և բռնկվել: «Ապոկալիպտիկ տեսարան, խոսքեր չկան»,- գրել է Վենետիկի քաղաքապետ Լուիջի Բրյունարոն սոցցանցում կատարած գրառման մեջ։

Վենետիկում զոհերի հիշատակին պաշտոնական սուգ է հայտարարվել։ Վթարի պատճառը դեռևս հայտնի չէ։