ԵԽ Նախարարների կոմիտեն կքննարկի իրավիճակը Լեռնային Ղարաբաղի շուրջ

Հոկտեմբերի 10-ին տեղի կունենա Եվրոպայի խորհրդի Նախարարների կոմիտեի և Խորհրդարանական վեհաժողովի համատեղ նիստ՝ նվիրված Լեռնային Ղարաբաղի շուրջ վերջին զարգացումներին։

Նախատեսվում է քննարկել Լեռնային Ղարաբաղի հայերի իրավունքներին ու հումանիտար իրավիճակին, ինչպես նաև Ադրբեջանի միջազգային պարտավորություններին վերաբերող հարցեր։

Համատեղ հանձնաժողովի նիստը նախաձեռնել է ԵԽԽՎ նախագահ Թինի Քոքսը։ Նախարարների կոմիտեն հոկտեմբերի 4-ի որոշմամբ հաստատել է նիստի առաջարկությունն ու օրակարգը։