Մենք միանշանակ դատապարտում ենք ՀԱՄԱՍ-ի ահաբեկիչների սարսափելի հարձակումներն Իսրայելի վրա. Բլինկեն

Մենք միանշանակ դատապարտում ենք ՀԱՄԱՍ-ի ահաբեկիչների սարսափելի հարձակումներն Իսրայելի վրա։ Այս մասին X-ի իր միկրոբլոգում հայտնել է ԱՄՆ պետքարտուղար Անտոնի Բլինկենը։

«Մենք համերաշխ ենք Իսրայելի կառավարության և ժողովրդի հետ և մեր ցավակցությունն ենք հայտնում այդ հարձակումների ժամանակ իսրայելցիների զոհերի համար»,- գրել է նա։

Հիշեցնենք, որ այսօր վաղ առավոտից պաղեստինյան ՀԱՄԱՍ խմբավորումը հրթիռային հարվածներ է հասցրել Իսրայելի տարածքին։ Իսրայելական կողմը հայտնում է զոհերի և վիրավորների մասին։ Իսրայելի կենտրոնական և հարավային շրջաններում կատաղի մարտեր են ընթանում ՀԱՄԱՍ-ի անդամների հետ։